ENTRE LIBROS E MAXIA CON LEO LEIÑO

Un ano máis, dende a Axencia de Lectura Fundación Ferama queremos contribuír coa celebración Mundial do Día do Libro.

O Día Internacional do Libro, promulgado pola Unesco, celébrase desde 1996 cada 23 de abril en máis dun centenar de países. O seu obxectivo é fomentar a lectura, a industria editorial e a proteción intelectual por medio do dereito de autor.

Desde Fundación Ferama queremos apoiar activamente estes obxectivos realizando unha actividade de fomento da lectura a través do programa da Secretaría Xeral de Cultura da Xunta de Galicia "Ler Conta Moito".

A gran ilusionista Leo Leiño tráenos por un día maxia e humor "Entre Libros anda a Maxia" á nosa biblioteca. Ilusión, risas e libros, diversión para toda a familia. Coa  participación de todos os nenos e nenas que desexen ser axudantes da gran meiga e facer que todos e todas o pasen moi moi ben.

O lugar de celebración será na Axencia de Lectura o día 21 de abril de 2017 ás 17.30hrs. Todos os nenos que desexen asistir poden apuntarse nas instalacións de Fundación Ferama ou chamando por teléfono ao 988 20 11 06.