DÍA INTERNACIONAL DO LIBRO INFANTIL 2017

O día 2 de abril celébrase en todo o mundo desde 1967, o Día Internacional do Libro Infantil coincidindo coa data de nacemento do soado escritor danés Hans Christian Andersen, co ánimo de inspirar amor polos libros e a lectura e para chamar a atención da comunidade internacional sobre a literatura infantil e xuvenil.

Como todos os anos, a Organización Española para o Libro Infantil e Xuvenil "OEPLI", xunto a Asociación Galega do libro Infantil e Xuvenil "GALIX" queren celebrar ese día difundindo a mensaxe do poeta Sergey Makhotin e o cartel do ilustrador Mikhal Federo, organizando sesións de contacontos, encontros... ou calquera actividade de promoción da lectura e sobre todo convídanos ao concurso Andersen Hoxe.

Dende Fundación Ferama queremos participar neste proxecto de difusión, co fin de promocionar os bos libros infantís e xuvenís e a lectura entre os máis novos, realizando as seguintes actividades na Axencia de Lectura durante o mes de marzo e abril:

- Difundir entre os nenos e todos o usuarios da Axencia de Lectura de Fundación Ferama a mensaxe do poeta Sergey Makhotin e o cartel do ilustrador Mikhal Federov.

- Composición de vídeos de contos clásicos con programas como Movie Maker e Photoscape, utilizando a fotografía como medio. Esta actividade realizarase nas clases de informática de Primaria.

- Participación no Concurso "Andersen Hoxe".

- Difusión dos libros que posúe a Axencia de Lectura de Andersen.

Se tes entre 3 anos e 100 anos e estás interesedo en participar en estasd actividades podes apuntarche nas instalacións de Fundación Ferama ou chamando por teléfono ao 638 959 688.