OS MEDIOS DE COMUNICACIÓN VISITAN FUNDACIÓN FERAMA

Durante o mes de febreiro e con motivo do 25 Aniversario de Fundación San Rosendo, recibimos a visita de diferentes medios de comunicación interesados en particular polas clases de Informática do grupo da Residencia San Martiño de Luintra que pertence á devandita fundación.

O grupo da Residencia San Martiño de Luintra participa nas actividades que desenvolve Fundación Ferama desde o ano 2013. Desde entón asisten unha vez á semana a clases de Informática onde se pretende facilitar ás persoas maiores o achegamento ás tecnoloxías da información e a comunicación, así como estimular a dinámica psíquica dos mesmos.

As novas tecnoloxías permiten aos usuarios da Residencia San Martiño aumentar e mellorar o seu desenvolvemento individual e social, así como optimizar a súa calidade de vida xa que aprenden algo novo ao que dificilmente puideron acceder durante a súa vida.

Nas seguintes ligazóns podemos ver as reportaxes que se dedicaron a esta actividade especialmente rechamante e beneficiosa.

Reportaxe Experiencia Activa Informática. Telemiño

Obradoiro de Informática para maiores en Nogueira de Ramuín. Televisión de Galicia

Avós 2.0 en Luintra. Diario La Región